強迫症病患者禁止|Steppy Pants

手機遊戲APP 旅遊必備
6.3

Fair

細細個同屋企人出街.總會自己玩踩地板遊戲,踩中條線就輸(應該唔會得我係咁掛!?)相信以下呢隻遊戲發明者同小編一樣,都係踩地板高手:

遊戲名稱: Steppy Pants

類型: Type4. 旅遊必備(offline)/ 出走裝備/旅遊沒有佢,你甚麼都不是

steppypants_mudapps

介紹:
Steppy Pants 係由 S! Games Pty Ltd. 發行嘅技術性offline遊戲,玩家主要係控制遊戲中唯一嘅角色去行路,呢隻遊戲睇落好易玩,但一到你玩個陣就會發覺:發生乜事?!F_CK!咁嘅情況。單人玩又得,同朋友仔鬥遠又得,最重要係一隻無得爆機嘅遊戲,分分鐘燒左你幾粒鐘都唔覺!

玩法:
玩家觸接螢幕,角色就會開始向前行,按住螢幕時間愈耐,角色踏步嘅幅度就會愈大,當角色踏步幅度到達最大時,角色就會斷腳,即係輸~

當你明白之後,就可以正常行動。遊戲嘅路面上會出現唔同幅度嘅格仔,角色雙腳必須踏係格入面,如果踏到邊線就會 PK,即係又係輸。

遊戲仲經常會出現一啲意外,係乜?你玩個陣咪知囉!

steppypants_mudapps_1    steppypants_mudapps_2

(準備開始行!)               (踩線即PK)

乜Apps自家評價:

唔燒電指數

雖然呢隻係offline遊戲,但畫面質素唔差,加上玩家好多時會玩個陣揸到部機實一實,搞到好熱,所以電力嘅流失都算係比一般遊戲快少少。

耗時能力

呢隻遊戲主要係比玩家突破自己嘅紀錄,所以通常一上左身就會玩好耐,好耐,好耐,小編有次為左破100步大關,差唔多玩左成日⋯

另外,玩呢隻遊戲個陣精神會好集中,所以時間過得特別快,最岩去旅行個陣等車,搭飛機個陣用黎燒時間用,一流呀。

解悶能力

雖然呢隻遊戲得一種玩法呀,但當你有幾個朋友同你一齊鬥個陣,簡直就是帶比你無限嘅歡樂呀!當你幾個朋友一齊鬥遠個陣,每一步都會變得特別緊張,特別激動呀。有陣時差一,兩步就破紀錄嘅時候,絕對係會緊張到手震。所以呢隻遊戲係悶悶地無野做個陣,絕對會係幫你地解悶嘅神Game! 當然如果你一個朋友都無⋯呢隻單機遊戲都可以比人以碌紀錄為目標,瘋狂咁玩!

威威程度(成就感)(Offline遊戲無social function,遊戲成就會係重要一欄)(持久與否)

Steppy Pants以下線形式進行遊戲,遊戲本身只有儲特別外觀作成就,而解鎖左嘅外觀亦無特別能力, 係呢方面令人無咩心機長期玩隻game。幸好, 本身遊戲嘅難度真係相當高,自自然然會成為同老友鬥行得遠或者放上Facebook倒威威!!

 

Summary

認住STEPPY PANTS,上堂個陣解悶又得,去旅行搭車搭飛機燒時間又得,Download定係電話到,即開即玩好Easy !
6.3

Fair

慳電指數 - 4
攝時間指數 - 9
解悶指數 - 8
威威指數 - 4

Lost Password